Syairan GusDurn Astaghfirulloh hati yang selamat

SYA’IRAN QOLBUN SALIM

أسْتَغْفِرُالله مِنَ الْخَطَايَا	أسْتَغْفِرُالله رَبَّ الْبَرَايَا
وَوَفِّقْنِى عَمَلًاصَلِحًا	رَبِّى زِدْنِى عِلْمًانَّافِعًا

يَارَفِيْعَ الشَّان وَالدَّرَجِ	يَارَسُولَ الله سَلَامٌ عَلَيْكَ
يَا أُهَيْلَ الْجُوْدِ وَالْكَرَمِ	عَطْفَةً يَا جِيْرَةَ الْعَلَمِ

Ngawiti ingsun nglaras si’iran Kelawan Muji marang Pangeran Kang Paling Rohmat lan Kenikmatan Rino wengine tanpo  pitungan 2x Duh bolo konco priyo wanito Ojo mung ngaji syare’at bloko Kur pinter ndongeng nulis lan moco Tembe mburine bakal sangsoro 2x Akeh kang apal Qur’an Haditse Seneng ngafirke marang liyane Kafire dewe ga digateke Yen esih kotor ati akale 2x Gampang kabujuk nafsu angkoro Ing pepaese gebyare ndunyo Iri lan meri sugieh tonggo Mulo atine peteng lan nisto 2x Ayo sedulur jo nglaleake Wajibe ngaji sa pranatane Nggo ngendelake iman tauhide Baguse sangu mulyo matine 2x Kang aran sholeh bagus atine Kerono mapan sari ngelmune Laku toreqot lan ma’rifate Ugo haqeqot manjing rasane 2x Al-qur’an qodim wahyu minulyo Tanpa tinulis iso diwoco Iku wejangan guru waskito Den tancepake ing njero dodo 2x Kumantil ati lan pikiran Merasuk ing badan kabeh njeroan Mu’jizat Rosul dadi pedoman Minongko dalan manjinge iman 2x

Kelawan Alloh kang Moho Suci Kudu rangkulan rino lan wengi Ditirakati di riadhohi Dizikir lan suluk jo nganti lali 2x Uripe ayem rumongso aman Dununge roso tondo yen iman Sabar narimo najan pas-pasan Kabeh tinakdir saking pangeran 2x Kelawan konco dulur lan tonggo Kang podo rukun ojo gae sio Iku sunaeh Rosul kang mulyo Nabi Muhammad panutan kito 2x Ayo nglakoni sekabehane Alloh kang bakal ngangkat drajate Senajan asor toto dhohire Ananging mulyo maqom drajate 2x Lamun palastro ing pungkasane Ora kesasar roh lan sukmane Den gadang Alloh suargo manggone Utuh mayite ugo ulese 2x

Karya emas KH. Abdurrahman Wahid

Print by tahrirmansur@yahoo.co.id